Udhëzues për fillestarë
Si falet namazi
Namazi është shtylla e dytë e Islamit dhe falet pesë herë në ditë. Ky udhëzues të çon hap pas hapi, nga abdesi deri te selami, sipas medhhebit hanefi që ndiqet në Kosovë, Shqipëri dhe Maqedoninë e Veriut.
Lëvizjet e namazit
Nga tekbiri fillestar deri te selami. Në çdo rekat ka kijam, ruku, ngritje dhe dy sexhde, me një ulje të shkurtër ndërmjet tyre.
- 1 Tekbiri
- 2 Kijami
- 3 Rukuja
- 4 Ngritja
- 5 Sexhdja
- 6 Ulja
- 7 Selami
Sa rekate ka secili namaz
| Namazi | Rekatet, sipas radhës | Gjithsej |
|---|---|---|
| Sabahu | 2 sunet · 2 farz | 4 |
| Dreka | 4 sunet · 4 farz · 2 sunet | 10 |
| Ikindia | 4 sunet · 4 farz | 8 |
| Akshami | 3 farz · 2 sunet | 5 |
| Jacia | 4 sunet · 4 farz · 2 sunet · 3 vitër | 13 |
Gjithsej 40 rekate në ditë: 17 farz, 20 sunet dhe 3 rekate vitër.
sunetfarzvitërMëso hap pas hapi
Para se të falesh
- Të kesh abdes.
- Trupi, rrobat dhe vendi ku falesh të jenë të pastra.
- Të jesh i mbuluar si duhet: burrat nga kërthiza deri nën gjunjë, gratë i gjithë trupi përveç fytyrës, duarve dhe këmbëve.
- Të kthehesh nga kibla.
- Të ketë hyrë koha e namazit.
- Të bësh nijet për namazin që po fal.
Pyetje të shpeshta
Sa herë në ditë falet namazi?
Pesë herë: sabahu, dreka, ikindia, akshami dhe jacia. Pas jacisë falet edhe vitri.
Sa rekate falen gjithsej në ditë?
40 rekate: 17 farz, 20 sunet dhe 3 rekate vitër.
Si e di kur hyn koha e namazit?
Kohët e namazit ndryshojnë çdo ditë dhe nga qyteti në qytet. Te kohët e namazit në Ezani i gjen për qytetin tënd, sipas takvimit zyrtar.
Ky udhëzues ndjek ilmihalin e medhhebit hanefi. Për pyetje të veçanta pyet imamin e xhamisë sate.
